دعونا نبدء علي بركه الله
1- المسكله الاولي وهي
نوم الطفل وتركه لثدي الام وعدم اكمال الرضعه
-ممكن ان تكون سبب المشكله ان الام قد تناولت بعض انواع الادويه التي قد تسبب النوم للطفل والزي ممكن ان يصل الي اكثر من 12 ساعه متواصله
طبعا لازم نعرف الادويه دي اه عمتا انا هتكلم باختصار شديد لان ده مش موضوعنا هذه الادويه واكثرها شهره هي مضادات الحساسيه وادويه البرد عشان كده لابد من استشاره الطبيب قبل تناول اي ادويه
-بعض انواع النقط التي تمنع الرشح او البرد او نقط العين التي تحتوي علي مضادات الحساسيه ولذالك لابد من استشاره طبيب الاطفال وعموما سوف اجعل صفحه خاصه للاستشارات الطبيه علي المدونه او علي صفحتنا علي الفيس بوك او الجروب
حل المشكله
اولا في اول ايام عمر الطفل ده طبيعي وكل المطلوب ان احنا نصحي الطفل برفق سواء بالضرب برفق علي قدم الطفل او زقنه اووضع حلمه الام في فم الطفل وتعصير الثدي لكي يحس الطفل بالبن فيبدئ ببلع البن بطريقه اليه
اما اذا كان سبب المشكله هو تناول الادويه من الام او مباشره فيجب استشاره الطبيب وبسرعه
المشكله الثانيه
رفض الطفل لثدي الام
طبعا كل الامهات بتشتكي من هذه المشكله وضروري كلنا مرينا بيها طيب اه هيا الاسباب
في اوقات كتير الطفل بتنتابه اوقات من الكئابه والعياط بلا سبب
ممكن طبعا يكون السبب المغص والانتفاخ وده الاشهر والاكثر حدوثا
ممكن يكون السبب ارتفاع في درجه الحراره او شويه برد
ممكن عدم النظافه ورائحه العرق النفازه من الام وبالعكس ممكن يكون السبب رائحه بيرفيوم او مزيل عرق او اي رائحه تكون مش عاجبه الطفل فتمنعه من الرضاعه
ممكم يكون الام او الاب او اي واحد من افراد العيله شال الطفل بطريقه غير صحيحه ادي اي خلع في اي مفصل او لاقدر الله كسر العظام في بعض الاحيان او يكون اخوه الكبير ضربه اوخبطه وانتي مااخدتيش بالك
طعا دي اشهر الاسباب وليس كلها
طيب الحل اه
اولا نتاكد من الانتفاخ والمغص عن طريق النقر علي البطن او الاسهل للام انها تدي دوا المغص والانتفاخ وتشوف الطفل هيستريح ولا لا
ثانيا نتاكد ان مافيش حد ضربه اوخبطه او شده من زراعه مثلا
نقيس درجه حراره الطفل بالترمومتر عشان نتاكد انها طبعيه
النظافه الجيده للام وعدم وضع اي روائح علي جسدها او علي الملابس
طيب عملنا كل ده ولسه بيعيط لا بقه بيقي الموضوع كئابه وعكننه محتاج لشويه حنان وصبر او نخرج نتمشي بيه شويه الخ.....
ندخل بقه في صلب الموضوع ونيجي مع المشكله الثالثه
تشققات الحلمه والتهابها
طبعا المشكله دي بتؤرق معظم السيدات وخصوصا في الايام الاولي للرضاعه ودي اسبابها كتيره
ممكن سوء وضع الحلمه او دخولها في الثدي او كبر حجمها
ممكن سوء وضع الرضاعه فلا يتمكن الطفل من امساك الحلمه جيدا
اثناء تسنين الطفل نتيجه العض علي الحلمه
عدم العنايه الجيده للثدي
طيب والحل
طبعا العنايه الجيده بالحلمه والثدي علي الاقل الغسيل بالماء والصابون او اضافه بعض المرطبات مشل زيت الزيتون او بعض الادويه
الوضع الجيد او السليم للطفل وهو الوضع شبه نائم
المشكله الرابعه والاخيره ان شاء الله
احتقان الثدي او الثدي المتحجر
نتيجه لتراكم اللبن داخل ثدي الام
طبعا دي مشكله مش هينه لاننا لو طنشنا او مش اهتمينا بالموضوع هنلاقي نفسنا دخلنا مباشره في المرحله التاليه وهي تكوين خراج بالثدي لا قدر الله وطبعا علاجه الجراحه
طيب الحل لتفادي هذه المشكله
اولا الانتظام في الرضاعه من 10 الي 12 مره يوميا يعني تقريبا كل ساعتين رضعه
طيب يادكتور انا برضع بانتظام زي ماحضرتك قولت بس الاحتقان مازال موجود في الحاله دي انتي لبنك كتير وفائض عن حاجه الطفل ولابد من تعصير الثدي من اللبن الزائد
تعصير الثدي بانتظام عند غياب الطفل عن الام
ارتداء حمالات صدر مريحه ومناسبه لحجم الثدي
طبعا فيه مشاكل اخري الي عنده مشكله يكتب تعليق او يتابعنا علي صفحتنا علي الفيس بوكhttps://www.facebook.com/?q=#/helthybaby?ref=bookmarks
ليست هناك تعليقات:
إرسال تعليق