النهارده ان شاء الله هتكلم معاكم عن ىموضوع السكاته او التيتينه لان معظم الامهات بقع في هذه المشكله
طبعا انا هتكلم يعني الموضوع هتكلم فيه من ناحيه وجه نظري الشخصيه لاني قريت في هذا الموضوع كثيرا ولخصت الموضوع في الاتي
اولا اه هيا مميزات السكاته
بنديها للطفل عشان يمص فيها ويتلهي فيها بالساعات وبالتالي الام تعرف تشوف شغلها
ممكن نديها لبعض الاطفال الي عندهم القدره علي المص ضعيفه عشان نقوي عمليه الرضاعه
وكمان في بعض الحالات الخاصه زي الاطفال الي عندهم الشفه الارنبيه ودول لهم حلمه خاصه بيهم سواء للرضاعه او سكاته
طيب لها فوائد تانيه
انا مش شايف لها اي فوائد اصلا سواء الي فاتت او غيرها
طيب العيوب
الطفل ييمص فيها باستمرار فامش بيعيط فالام ممكن تسيبه بالساعات من غير رضاعه مشغوله عنه او باليل وهي نايمه مش هتصحي ترضعه وبالتالي وزن الطفل هيكون قليل ونرجع نشتكي من قله الوزن والتاخر في التسنين والمشي والكلام
الطفل عمال بيرضع من التيتنه طيب بيرضع اه ؟ بيرضع هواء طبعا الهو ده نافخ بطنه ومخليه حاسس بالشبع وبالتالي مش هيطلب الرضاعه وبالتالي وزنه يقل
الهوء الي الطفل عمال بيبلعه ده كله هيعمل اه للطفل ؟ طبعا هيعمله انتفاخ في بطنه ماهي بطنه مليانه هواء وبالتالي يزودلي المغص وبالتالي عياط مستمر وبالتالي نسكته بالتيتنه وبالتالي نزود المغص والانتفاخ وبالتالي نزيد من اعتماد الطفل علي السكاته
ضروري ومهما كنا محافظين علي التيتنه من التلوث من غصب عننا هتقع علي الارضوتتلوث ونرجع نحطها في بقه ده غير امهات كتير بتعمل ازاي تمسك التيتنه تحطها في بقها قبل ما تديها للطفل طيب مانتي كده ادتيله اي ميكروبات في بقك ممكن ماتكنش ضاره ليكي بس ضاره ليه هوه وبالتالي الطفل يدخل مننا في نزله معويه بدري قبل سن الست شهور
طيب اه الحكمه ان الطفل الطبيعي مش بيجيله اي اسهال اوترجيع قبل ست شهور ؟
الموضوع بسيط جدا ان الطفل الطبيعي مش بيدخل في بقه الي حاجه غير اللبن قبل الست شهور وبالتالي مافيش تلوث ومفيش نزلات معويه
طيب الطفل الي بيرضع صناعي او الطفل الي بدئنا معاه اكل بدري او الطفل الي بيستعمل التيتنه طبعا ىفيه تلوث وفيه نزله معويه بدري ودي من اخطر الاشياء الي ممكن تقابل الطفل في اول عمره
التيتنه بقت مصدر الحنان والامان للطفل الي بينام عليه فبكده بنقلل الروابط بين الام والطفل وبيكون معتمد عليها اعتماد كبير جدا وبالتالي عند الفطام بيكون من السهل جدا فطام الطفل عن صدر الام لانه فيه بديل لصدر الام بس بكده هنواجه مشكله كبيره جدا وهو ان الطفل كبر في السن ومارال بمص في التيتنه ولو اخدناها منه هيدور عليها ويجبها ماهو خلاص كبر ولو ماعرفش يلاقيها هيلاقي البديل وهو صباعه وتبدء مرحله شكوي الام من مص ابنها او بنتها لصباعها وهي صاحيه او وهيا نايمه
انا شوفت حالات غريبه جدا في هذا الموضوع مش شرط يمص صباعه بل بتوصل في بعض الاحيان انه يمص شفايفه وده بيؤده اي التهابات وتورم وتشقق الشفايف وده كله للاسف بيحصل للطفل وهو نايم او سرحان وبالتالي مشكله صعب جدا جدا حلها
يارب اكون النهارده عرفت اوصلكم شيئ يفيدكم ويفيد ابنائكم
والله الموفق والمستعان